你係咪講緊油塘間黃陳淑英？佢地私家位收over $8000一個，而且常常爆滿，未必有位ga! 如果從政府排隊入去，而家平均都要三、五、七年，超耐ga!

至於你話邊間好，其實好睇個人需要。有D長者鍾意熱鬧，可以找一些多人住的安老院﹔有D長者鍾意靜，就可以找一些細型的安老院。

同 埋安老院間間人手、環境、間隔都唔同，唔好信人地介紹 ( 個個人要求唔同，人地覺得好唔代表你覺得好 )。最緊要係你自己親身望過，實地check吓間安老院有無味、周圍環境乾唔乾淨、D姑娘對長者有無耐性、D老人家會唔會好呆滯或者污糟 ( 可以知道安老院到底勤唔勤幫長者清潔 )、可以的話同D院友傾吓計，睇吓佢地對安老院的感覺 ( 例如膳食、姑娘態度等 )。事關好多安老院都係分區照顧，每個區由不同的姑娘負責，知道邊區既姑娘好D，揀位既時候就揀嗰區。

仲有，揀安老院的時候要問清楚D院費、雜費點計﹔如果老人家百年歸老或者坐唔慣要退院會點處理。因為有D老人院會好取巧，所以要大家白紙黑字寫實，免得日後有爭辯。

如果想了解安老院的初步資料，可以上返社署的網站，上面有齊所有安老院的名稱、電話、床位數目等資料。

http://www.swd.gov.hk/tc/index/site_pubsvc/page_elderly/sub_residentia/id_listofresi/